Och déi éischt Session en plénière vum Europaparlament nom Summer gëtt wéinst der Covid19 Pandemie weiderhin zu Bréissel ofgehale, opwuel de Siège dem Traité no zu Stroossbuerg ass. Fannt dozou e Bäitrag vum Danièle Weber um 100,7.
Säit zwee Méint protestéieren d’Bierger a Bulgarie géint Korruptioun a fir de Respekt vun der Rechtsstaatlechkeet. Et ass dëst nach e Beispill, dass sech d’Memberstaaten mussen op kloer Reegele verstännege fir de Rechtsstaat dauerhaft duerchzesetzen. Lauschtert dozou mäin Interview mam Bill Wirtz um RTL.
Mat Methode vu gëschter sinn d’Problemer vu muer mam beschte Wëllen net ze léisen. Dat hei kéint elo d’Stonn vum Europaparlament ginn, wann et den Doudegriewer vum Rechtsstaat d’rout Kaart weist. Mir brauche Berechebarkeet, Planungssécherheet ouni de Rechtsstaat ze ënnergruewen. Fannt dozou e Bäitrag vum Bill Wirtz am RTL Replay an eng Reportage vum Jeannot Ries.
An der zweeter Juliswoch 2020 sinn d’EU Staats-a Regierungscheffen zesumme komm fir iwwer den nächste Budget ze beroden. De Propos, deen de Rotspresident Charles Michel am Juni op den Dësch geluecht huet, ass bei wäitem net ambitiéis genuch, fir datt d’EU de Wee aus der Kris ka fannen. D’EU-Parlament dierf net bereet sinn, e schwaache Kompromëss z’akzeptéieren, a muss noutfalls säi Veto aleeën. Fannt dozou een Artikel vum Diego Velazquez am Lëtzebuerger Wort.
Den 1. Juli hunn d’Kroaten d’Relève un déi Däitsch iwwerginn. Fir déi nächst 6 Méint huet Däitschland domat d’Presidence vum Conseil vun der Europäescher Unioun. Wat bedeit dat? Wéi waren déi lescht 6 Méint ënnert de Kroaten a wat gëtt elo vun Däitschland verlaangt? Dës Froe goufe gëschter a Presenz vun der däitscher Bundeskanzlerin Angela Merkel an der leschter Sessioun virun der Summerpaus debattéiert. Vill Spaass beim Kucken.
De 27. Mee huet d´Kommissioun hir lescht Propos fir den nächsten EU-Budget virgestallt. Dëse soll duerch e Plan de Relance vu 750 Milliarden Euro verstäerkt ginn, fir der duerch d´COVID-19-Kris bedéngte wirtschaftlecher Rezessioun entgéintzewierken. Et ass dëst eng historesch Propos, déi am Conseil awer bis elo net just op Zoustëmmung stéisst. De Video dozou fannt dir hei.
Intervention en plénière au Parlement Européen sur l’accaparement de terres et la déforestation en Amazonie. Voici l’intégralité de l’intervention.
De 9. EU-Talk organiséiert vum Europabüro zu Lëtzebuerg, dës Kéier zesummen mam Katarina Barley (Europadéputéiert, Vizepresidentin vum Europaparlament, S&D) a mam Prof. Dr. Stefan Braum vun der Universitéit Lëtzebuerg mam Thema: Rechtsstaat unter Druck? Wéi gewinnt fannt dir och dëse Video op der Youtubesäit vum Europabüro zu Lëtzbuerg.
Fannt hei eng Reportage vum Bill Wirtz um RTL iwwert meng Initiative am Europaparlament eng Enquête ze lancéieren déi opklären soll a wéi enge Punkten d’Autoritéiten zu Ischgl falsch gehandelt hunn an wéi et zu sou enger Infektiounswell konnt kommen.
Am Kader vum 7. EU-Talk, organiséiert vum Europabüro zu Lëtzbuerg hunn mir iwwer de Rôle vu de Parlamenter a Krisenzäiten diskutéiert. Mat vun der Partie waren de Fernand Etgen (Chamberspresident), d’Isabel Wiseler-Lima (Europadeputéiert, EVP) an de Prof. Dr. Philippe Poirier, Uni Lëtzebuerg (Titulaire vun der Chaire de recherche en études parlementaires op der Uni Lëtzebuerg). De Video fannt dir op der Youtubesäit vum Europabüro zu Lëtzbuerg.
Ee Joer no den Europawalen, hunn ech mam Lëtzebuerger Journal driwwer geschwat, wat mech an deem Joer am meeschte gepräägt huet, a wat déi gréissten Erausfuerderunge vun der EU sinn.
Tous ensemble ou chacun pour soi ? Quelle est la place de l’UE dans l’actuelle crise ? La solidarité aidera-t-elle les pays européens à relever la tête ? J’ai discuté de ces questions aux côtés de Kalypso Nicolaïdis et Pierre Manent. Voici l’émission sur France Culture.
